ទីភ្នាក់ងាររបស់អង្គការសហប្រជាជាតិទទួលបន្ទុកខាងបញ្ហាអាកាសធាតុបានព្យាករអំពីបាតុភូតអែលនីញ៉ូចាប់ពីកម្រិតមធ្យមទៅកម្រិតខ្លាំង។ មានន័យថាអាចនឹងធ្វើឱ្យឡើងកម្ដៅកាន់តែខ្លាំងជាសាកល និងបង្កហានិភ័យកាន់តែខ្ពស់នៅក្នុងន័យថាបើត្រូវធ្លាក់ភ្លៀងគឺធ្លាក់ខ្លាំង ហើយបើត្រូវក្ដៅគឺក្ដៅខ្លាំងបែកក្រហែងតែម្ដងនារយៈពេលប៉ុន្មានខែខាងមុខនេះ។ អែលនីញ៉ូមានន័យថាសីតុណ្ហភាពនៅលើផ្ទៃសមុទ្រឡើងកម្ដៅខ្លាំងនៅមហាសមុទ្រប៉ាស៊ីហ្វិចភាគកណ្ដាល និងភាគខាងកើត។
